|
معظم
الفلاحين في بر مصر وخصوصاً
المستأجرين اللى إنطردوا من الأراضى
بعد قانون الإيجارات الزراعية تواجههم
مشكلة مع بنك التنمية والإئتمان
الزراعى وهى“الحجوزات“ يعني الفلاح
فجأة يلاقى الكام راس اللى حيلته أو
البيت اللى ورثه هو وأخوته عن جدود
الجدود أوأى
شىء يملكه محجوز عليه من البنك بحجة
إنه مش قادر يسدد الديون اللى عليه.
وكتير من الفلاحين إتعمل لهم محاضر
تبديد وإتحبسوا أو فضلوا متهددين
بالحبس و هربانين من الشرطة .
لكن
الحقيقة اللي مفروض كل فلاح وفلاحة
يفهموها إن الحجز الإدارى على ممتلكات
الفلاحين باطل . لأن المحكمة الدستورية
العليا وهى أعلى سلطة قضائية في البلاد
أصدرت في 9/5/ 1998 حكم بإن البند (ط) من
المادة الأولى من القانون رقم 308 لسنة
1955 اللى بيجيز الحجز الإدارى على
ممتلكات الفلاحين باطل .
معنى
كده إن كل دعاوى الحجز المرفوعة على
الفلاحين من البنك بسبب الديون غير
قانونية ، وإن حبس الفلاحين بسبب
الحجوزات أو التبديد غير قانونى ، وإن
من حق الفلاحين اللى
إتحبسوا فى قضايا حجوزات إنهم يرفعوا
قضايا تعويضات على البنك بسبب حبسهم
الغير قانونى وكمان ممكن فلاح عليه حجز
أو حكم بسبب حجز يذهب لأى محامى ويقدم
صورة حكم المحكمة الدستورية للقاضى
والمحكمة سوف تبرئه، ويمكن للفلاح
المحجوز عليه أو اللى صادر ضده حكم
بالحبس أن يتبع هذه الخطوات كى يتم
براءته ؟؟
خطوات
الدفاع :
أولا
:
في حالة
توقيع الحجز من البنك على ممتلكاتك :
-
لازم تستلم صورة من
محضر الحجز من المٌحضر وسلم له صورة من
حكم المحكمة الدستورية الذى يقضى
ببطلان هذه الحجوزات .
-
يوم البيع أرفض بيع منقولاتك وإطلب
من المٌحضر أن يقوم بعمل محضر تبديد لك
0
-
تابع ما تم فى محضر التبديد فى المحكمة
حتى يتم تحديد جلسة لك أمام محكمة
الجنح .
-
للمحكمة الدستورية العليا حكم رقم 41
لسنة 1998 اللى بتثبت إن الحجز الادارى
على الممتلكات باطل .
-
المحكمة هتحكم ببراءتك .
-
لا تتنازل عن حقك فى دعوى التعويض بسبب
ما أتخذ ضدك من إجراءات باطلة .
ثانيا
:
في حالة
صدور حكم جنائى ضدك
فى جنحة تبديد منقولات :
-
لازم تستلم صورة من الحكم و صورة من
محضر الحجز و بيانات الجنحة من المحضر .
-
تعمل معارضة فى الحكم فى محكمة الجنح
وتعرف ميعاد جلسة المعارضة.
-
قدم حكم المحكمة الدستورية العليا رقم
41 لسنة 1998 لإثبات أن الحكم غير قانونى .
-
المحكمة هتحكم ببراءتك .
-
لا تتنازل عن حقك فى دعوى التعويض بسبب
ما أتخذ ضدك من إجراءات باطلة .
وفى
النهاية
بنأكد
لإخوانا الفلاحين و الفلاحات أن من
حقكم تدافعوا عن الحقوق اللي كفلها
ليكم القانون والدستور واللى بتحميكم
من التعرض للحبس و المطاردة ، و تحقق
لكم جزء بسيط من الأمان اللى ضاع من يوم
ما ضاعت الأرض .
ومن
حقكم عدم التنازل عن المطالبة بحقوقكم
والتعويض عن الأضرار والخسائر التى
لحقت بكم .
ومركز
الأرض مستعد للدفاع عن حقوق الفلاحين
والفلاحات بسبب الحجوزات الباطلة أو
لوقف حبس الفلاحين بسبب مديونية البنك
العودة
إلى القائمة
|