|
أختى
الفلاحة ..
ايه
معنى كلمة " التنمية " اللى بنسمع
عنها في التليفزيون و الجرايد كل يوم
؟؟ ايه معنى تحقيق تنمية في البلد ؟؟
وهل تحققت التنمية في القرية اللى انت
عايشة فيها مع اهلك و جيرانك ؟؟
التنمية
ببساطة هى :
ان
الانسان يعيش فى مكان آدمي .. يعنى في
سكن صحي .. يشرب مياه حلوة من غير طعم او
لون او ريحة .. و ان الصرف ما يروحش في
الترع او في بيارات جنب البيوت وان
البيت تدخله كهرباء وما يعتمدش على
الجاز في الطبخ و الاضائه .. ويدخله شمس
وهواء مش رطوبه .. وان نسبة الامراض
اللى تصيبك انت واولادك تقل .. ويبقى
فيه مواصلات سهلة تنقلك لأى مكان .. وان
البلد يبقى فيها مستشفيات ومدارس .. وان
المخلفات متتكومش في الشوارع والمصارف
.. واول كل ده
ان السكان يحصلوا
على الاكل واللبس والعلاج والسكن بتمن
يقدروا عليه ..
هل
التنمية متحققه
بدرجة كافية؟
لو
بصينا حوالينا فى معظم مناطق الارياف
نلاقى المياه الحلوة ضعيفة والصرف
الصحي والمستشفيات
فيهم مشاكل .. ونلاقى المخلفات موجودة
فى كثير من الأماكن و المصارف تصدر
المرض لينا و لعيالنا .. ومافيش مواصلات
كافية.. وعدم كفاية المشاريع اللى توفر
للناس فرصة عمل تكسبهم وتساعدهم على
المعايش ..
المفروض
الناس يكون لهم دور في أي تغيير و تشارك
المسئولين في الحي او المجالس المحلية
أو الشعبية.. في عمل خطوات حقيقية لصالح
الكل .
اصل
لما ماتبقاش فيه تنمية
كافية تبقى الناس
مش مرتاحة .. ومتهددة طول الوقت بالمرض
والفقر..
لكن
ايه دورك في عملية التنمية ؟؟
.يعنى
ممكن تعملي ايه علشان أوضاعنا تبقى
احسن وعلشان الناس تعيش حياة افضل ..
حياة بني أدمين؟
لازم
تعرفي ان كل المشاكل الموجودة حواليكي
دى موجودة
علشان الفلاحين والناس اللى ساكنين في
الارياف ما بيسألوش عن حقوقهم .. صحيح
المسئولين لهم دور من اول رئيس الحي
لحد اكبر مسئول في الحكومة عن توفير
حياة صحية للناس .. لكن المسئولية
الاكبر على أكتاف الناس . واولهم
السيدات مش بس علشان عددهم
كبير ولكن علشان هم موجودين في كل
كبيرة وصغيرة في الغيط وفي البيت و
بيقوموا بكل الادوار ، فوق كدة هم
مسئولين عن تربية أجيال من الاطفال .
يعنى
لو تعاون السكان مع بعض وعملو مشروع
لسد المصرف وطالبوا المسئولين وأعضاء
مجلس الشعب بمساعدتهم.. يمكن مايسألوش
فيهم مرة واتنين لكن مع الضغط و
التكرار اكيد هاياخدوا بالهم ان اهل
البلد واعيين بحقهم و يبدأوا يساعدوهم
.. ولو طالبنا المجلس المحلي بعمل مشروع
لاعادة استخدام المخلفات اولصناعة أي
منتج من المواد الموجودة في ارضنا ..
نسيج اوفخار اوغيره
.. اكيد ده هيوفر فرص عمل وفلوس
للشباب والبنات ويقلل من التلوث في
البلد .. نفس الكلام لو طالبنا بالمياه
الحلوة والمستشفيات
والمواصلات وكل اللى احنا محتاجينه ..
وساعتها نبطل نرمي مخلفات في المصارف
ونبطل نستعمل المياه الجوفية ونبطل
نعمل بيارات للصرف جنب البيوت
او نستعمل الجاز اللى بيعكر الهوا
في الاضائه والطبيخ .. وتتحول بلدنا
لحاجة تانية ..
الخلاصة
ان
مشكلاتنا علشان تتحل محتاجة اكتر من
خطوة واكتر من طرف .. محتاجة نبقى
واعيين بحقوقنا ونطالب المسئولين بيها
ونراقب تنفيذهم لمصالحنا ..
ومحتاجة اننا نفكر في حلول لمشكلاتنا
ونشارك في الحلول دى ونشرك معانا
المسئولين .. ومحتاجة نقف جنب بعض ونضغط
مرة واتنين وتلاته علشان الكل يعرف
جديتنا ووعينا بحقوقنا واصرارنا على
تحقيق مطالبنا .. ومحتاجة اننا نوعي بعض
بان هدفنا من أجل حياة
افضل للجميع و تمتع فيها بالخير اللى
في البلد وبالعلم اللى جعل حاجات كتير
اسهل ..والسيدات بالذات اللى مرتبطين
اكتر باولادهم يقدروا يساهموا في
التوعيه دى .. يعنى مايصحش يبقى العالم
كله بيتعامل بالكمبيوتر والليزر واحنا
لسه بنتعامل بلمبة الصفيح وبركة دعى
الوالدين ..
ولازم
نعرف ان أي تغير في حياتنا سواء للافضل
اوللاسوأ أنت
أول مسئول عنه لانك فرد مهم في المجتمع
.. يمكن مانملكش القرار ولا الامكانيات
لكن نملك عقول بتفكر وقدرات تقدر تبني
و عدد وقوة تقدر تجبر الكل على
مساعدتنا في تطوير حياتنا .. وبكدة
تتحقق التنمية ونبقى لعبنا دور حقيقي
فيها ..
العودة
إلى القائمة
|