|
وهو
يستعرض فى المقدمة موقف القوانينالحاج حسان فلاح بسيط من قريه اسمها كفر العنبه ،عنده اسره فيها ولدين وبنت وامهم المشهوره باسم "ست سرحانه " وعنده 3 قراريط واخدهم ايجار ومربى فيهم جاموسه وشويه فراخ وبط ساترينه هو واولاده بالكاد
طول عمره مريح دماغه من اللى بيحصل حواليه واول ماحد فى الجامع او على القهوه يجيب سيره اى حاجه فى السياسه و أى موضوع من اللى بيحصل فى المجتمع تلاقيه على طول رفع دماغه وابتسامته على ورشه وقال : ياعم احنا مالنا سيب الملك لصاحبه وقول ياباسط
وان لقى الكلام استمر يقوم ساحب نفسه وقايم ، مش عشان خايف ،لكن عشان مش عاوز يوجع دماغه ولما حد يقول له ، ياراجل دة كلام مهم يقوم يرد زى الفيلسوف ويقول : قالوا الحريقه فى شار عكوا ياحجا ،قال مادام بعيد عن دارى خلاص
ابن الحاج حسان الاولانى اسمه فتيح ويشتغل شويه مع ابوه ،وشويه فى ارض تانيه بالاجره ،واخر النهار يروح يقعد فى الجامع شويه يسمع الخطبه ويصلى العشاء وبعدين يروح يقعد مع ابوه شويه عالقهوه وابنه الثانى بيشتغل الصبح فى الارض واخر النهار بيعمل شاى وقهوة فى مكتب واحد محامى
فى يوم من الايام فؤجئ الحاج حسان بحد بيخبط على الباب الساعه 3 بعد نص الليل قال فى سره خير اللهم اجعله خير مين بيخبط : افتح ياحاج بسرعه من غير تفكير فتح الباب وعينك ما تشوف الا النور حوالى 30 واحد اللى افنديه واللى لابسين ميرى واللى ما سكين رشاشات ،الراجل ملحقش يسال فيه ايه دخلوا كلهم وكانه مش موجود واحد من الافنديه حط ايده على كتفه وفالله : فين فتيح ياحاج حسان لقى فرصه يسال : سؤال : هو فيه حاجه لا سمح الله ، اجاب الافندى ووشه بدا يبان عليه الشر : ملكش دعوة ، هو فين شاورلهم على فتيح اللى كان نايم على فرشه فى الارض جنب الحيط هو فتيح صحوا فتيح اللى قام مخضوض وسالوله فين دولاب هدومك اجاب مفيش دولاب هدومى فى القفه دى
ونزولوا تفتيش فى القفه وفى باقى القفف وجوا الزير وفى المطبخ والحوش مفيش غير الهدوم والمراكيب والفوس والقفف والاطباق واحد افندى بص لفتيح وساله : فين المنشورات والسلاح انطق يااد فتيح مش عارف يعنى ايه منشورات ولا ايه حكايه السلاح وليه بيدورا عا حاجات فى دارهم قال للافندى معرفش فين والله يابيه
الافندى شاور للباقيين جسم اربعه مسكوا فتيح وخدوه على بره وغموا عينيه وركبوة عربيه سوده بازاز معتم والافندى بص لايوفتيح بزغره جامده وقاله :فتيح هيقعد عندنا يومين هنساله على شويه حاجات مش عايز ولا نفس ولا صوت ولاحد يعرف حاجه فاهم عشان فتيح يرجعلك
اجاب الحاج وهوه بيتنفض حاضر يابيه تحت امرك يابيه باب يا اما يعرف فيقلو له حدش عندنا بالاسم ده ، دور عليه فى حته تانيه
بعد الدوخه الجامده على السجون والاقسام من غير فايده قالوله اسال عليه فى مباحث امن الدوله ياخبر اسود الواد الثانى قال لابوه انا هكلم الاستاذ المحامى وهو اكيد هيعرف يعمل حاجه هريدى مكدبش خبر حكى للمحامى على الموضوع المحامى صعب عليه وقال لهريدى ماتقلقش طمن ابوك انا هتصرف : (المحامى راح بنفسه مكتب امن الدوله فى المركز يسال على فتيح الموظف اللى على الباب قال له مش عندنا ومعندناش فكره عن الموضوع ده يمكن الاداره فى مصر
راح مصر الموظف اللى هناك برضه من على الباب قاله، ما مفيش حد بالاسم دة هنا يمكن الواد طفشان من اهله
راح الاستاذ وقدم بلاغ اختطاف وحجز بدون وجه حق للنائب العام قالو له هانرد عليك بعد يومين راح بعد يومين واخيرا جت اجابه : صاحب الاسم ده معتقل فى سجن المركز
معتقل ياخبر اسود ده غلبان مالوش دعوه بحاجه وفى حاله طاب هما متهمينه بايه
مفيش تهم باحاج دول معتقلينه
حضرتك هتحضر معاه فى الجلسه
مفيش جلسه ، ومفيش قضيه
طاب لما مفيش قضيه حابسينه ليه وهيسبوة امتى ياحاج دلوا حابسينه اعتقال بموجب قانون الطوارئ ما تاخذ نيش ياسى الاستاذ انار راجل على قدى مش فاهم اهالينا معلموناش وانا طول عمرى فى حالى وماليش دعوة بحاجه لاعندنا تليفزيون ولا باعرف اقرا جرايد فهمنى ارجوك اذا كان فتيح ماحدش متهمه والحكومه مش عاملا له قضيه يبقى قانون الطوارئ ده حابسينه ليه وبناء على ايه ؟
اناها فهمك قانون الطوارئ ده فارضاه الحكومه من زمان قوى وتقدر بالقانون ده تقبض على اى حد فى اى وقت ومن غير اى تهمه ولا قضيه وتفضل حبساه عندها زى ماهى عايزة
ياخبر اسود بس ده ظلم لو النفر منا عمل حاجه يتجازى،انما لو ماعملش حاجه بيحبسوه ليه ؟؟ ليه يعنى لو فيه مشاكل جامده فى البلد الحكومه بتعتقل الناس الخطرين عالا من العام لحد ما تخلص المشاكل
مشاكل مشاكل ايه احنا كفرنا مفيهوش صريخ ابن يومين وكل الناس فى حالها وفتيح الغلبان ده بقى خطر عالا من العام ازاى وبعدين حتى لو فيه خطر ياخدوا الناس كده عميانى، ظلم، عاطل على باطل ويرموهم فى السجون
هذه فعلا فيه ظلم والبلد كلها مفيهاش حاجه تخلى الحكومه تطبق قانون الطوارئ واحنا والقضاه والنقابات والاحزاب مش عايزينه وبنطالب بالغاءه لانه خانق ومكتف الشعب كله
وما حدش بيسمعكوا يا استاذ دا انتوا ناس بتفهم وعارفين والمفروض ياخدوا بكلامكوا او ياخذوا بكلام القضاه مش همه دول اللى فاهمين فى القانون مش دول العداله وكمان الاحزاب كلها
لا مش كلها كلها فيه حزب واحد بس بيدافع عن القانون الظالم ده
حزب ايه با استاذ اللى مع حبس الناس بالظلم
حزب الحكومه ياحاج ،الحزب الوطنى
طاب والحزب الوطنى ماله ومال فتيح
مش فتيح لوحده ياحاه فيه اكثر من خمسين الف واحد معتقل جوه السجون من غير تهم ولا قضايا ومن كل حته فى مصر
ليه عملوا ايه؟
ولا حاجه مزاج الحكومه كده ضابط مش عاجبه واحد ولا واحد كان عبر عن رايه او عنده مطالب ولا كان ليه نشاط سياسى او حتى مخبر عاوز يباك شغال هيبلغ عن اى واحد كده يعنى ( عليه العوض ومنه العوض فيكى يامصر عليه العوض ومنه العوض فى اولادنا منك لله باحكومه منك لله يا حزب
على اى حال احنا هنعمل تظلم لفتيح وها بحت موضوعه للجنه الحريات فى النقابه ومراكز حقوق الانسان همه كمان ها يجروا ورا الموضوع ومش هنياس زى ما فيه حكومه وفيه قانون ظالم فيه معارضه وفيه مراكز حقوق انسان ( يعنى ايه تظلم باستاذ القانون بيقول ان من حقنا تنظلم من قرار الاعتقال بعد شهر من اعتقال النفر ويبقى فيه جلسه فى المحكمه تسمعنا وتحكم فى الموضوع وممكن تلغى الاعتقال
وتطلع فتيح
للاسف لا القانون بتاع الطوارئ ، بيخلى وزير الداخليه ليه حق انه يعترض على حكم المحكمه فيفضل المعتقل محبوس كمان 15 يوم اذا اعترض فيهم الوزير يبقى فيه جلسه تانيه والمحكمه تشوف اسباب الاعتراض اذ قبلتها تلغى الحكم ويفضل المعتقل فى السجن رفضتها تفرج عنه
يعنى المحكمه ممكن ترجع فى كلامها
للاسف ممكن
واذا ما قبلش الاعتراض
ممكن يخرج فتيح وممكن لا
ليه تانى با استاذ مش المحكمه لو رفضت الاعتراض مفروض يخرج زى ما انت بتقول
ايوه مفروض بس المباحث غالبا بتقعد يوم ولا يومين عندها وبعدين تعملله جواب اعتقال جديد وتبدا امن تانى نفس المشوار ، فيه ناس المحكمه امرت بخروجهم من 15 سنه وخدوا ولا خمسين حكم ومع ذلك لسنه محبوسين طاب هو مين صاحب الامر المباحث ولا المحكمه ( هاقولك ايه بس ربنا هو صاحب الامر بس الموضوع فى ايد المباحث للاسف ده قانون الطوارئ على اى حال احنا هنعمل اللى علينا
خرج الحاج حسان زى المجنون بيضرب كف على كف وعمال يقول عليه العوض ومنه العوض عليه العوض ومنه العوض وانا اللى كنت كافى خيرى شرىيجرى لى كده طوارئ وفتيح العيل الغلبان وكمان خمسين الف دى مصيبه ياولاد مصيبه
وهو فى الحاله دى قابله واحد من جيرانه مالك ياحاج حسان
مالى قول مال البلد مال الطوارئ مال اللى معتقلينهم مال المباحث والحكومه بفتيح مال مصر
اهدا ياحاج حسان لحد يسمعك( يسمعنى ملعون ابو السكوت ملعون ابو السكوت اتارى الحريقه فى بيوتنا كلنا واحنا مش حاسين الحريقه فى بيت الكل الحريقه فى بيت الكل
هل تعلم؟
-ان الاستعمار الانجليزى من طبق قانون الطوارئ فى مصر سنه 1923 لحمايه قوات الاحتلال من المقاومه الشعبيه وفرض القيود على الشعب وفتح المعتقلات للوطنيين
-ان مصر محكومه منذ 1923 بهذا القانون الاستبدادى وحتى الان ولم يتم رفع الطوارئ عن رقبه الشعب الاحوالى سنه ونصف اكثر من 80 سنه طوارئ
-انه فى ظل الطوارئ لا قيمه لاحكام القضاء او الدستور او القوانين العاديه
-انه لا يوجد مبرر للاستمرار فى حاله الطوارى كما تقول المواثيق الدوليه لحقوق الانسان فلا توجد كوارث طبيعيه ولاحاله حرب ولا اضطرابات سياسيه خطيره
-ان قانون الطوارى يعطى للسلطه الحق فى مصادره ومنع حريات وحقوق الشعب فى الاجتماع والتظاهر والتعبير
-كما يعطيها الحق فى القبض على اى شخص دون تهمه او جريمه ووضعه فى المعتقلات( ان الحكومه كانت تتحجج بوجود اعمال ارهابيه لفرض حاله الطوارئ وانه لم يعد هناك اى اعمال ارهابيه تحدث فى مصر منذ اكثر من 15 سنه ومع ذلك تستمر فى فرض الطوارئ على الشعب( انك انت و انا واى شخص عرضه وبدون سبب لاعتقاله وحبسه بموجب هذا القانون
ان هذا القانون يعطى للحكومه الحق ان تحاكم الناس فى القضايا ليس امام المحاكم العاديه ولكن امام المحاكم العسكريه ومحاكم طوارئ خاصه لا يوجد فيها ضمانات قانونيه كافيه
ان قانون الطوارئ يعتبر غير شرعى وغير دستورى لانه متناقض مع المواثيق الدوليه التى وقعت عليها مصر والتزمت بها ومتناقض مع الشروط الدستوريه لتطبيق حاله الطوارئ
العودة
إلى القائمة
|