<html dir="ltr">

<head>
<meta name="GENERATOR" content="Microsoft FrontPage 5.0">
<meta name="ProgId" content="FrontPage.Editor.Document">
<meta http-equiv="Content-Type" content="text/html; charset=windows-1256">
<title>New Page 1</title>
<style>
<!--
 p.MsoNormal
	{mso-style-parent:"";
	margin-bottom:.0001pt;
	text-align:right;
	direction:rtl;
	unicode-bidi:embed;
	font-size:12.0pt;
	font-family:"Times New Roman";
	margin-left:0cm; margin-right:0cm; margin-top:0cm}
-->
</style>
</head>

<body background="../bg.jpg">

<p class="MsoNormal" dir="RTL" style="text-align: center"><b>51</b></p>
<p class="MsoNormal" dir="RTL" style="text-align: center">&nbsp;</p>
<p class="MsoNormal" dir="ltr" style="text-align: center"><b>
<span lang="AR-SA" style="font-family:Arial">
مركز الارض يناشدكم التدخل حرصاً على أرواح أطفالنا 



</span></b></p>
<p dir="rtl"><span lang="AR-SA" dir="RTL" style="font-size: 12.0pt; font-family: Arial">
تلقى مركز الارض نبأ وفاة 4 أطفال واصابة أخرون بقرية قصر الجبالى محافظة الفيوم بمزيد من الحزن وينتهز المركز الفرصة ليتقدم المركز لأسر هؤلاء الضحايا بخالص العزاء لفقدانهم أبنائهم وهم فى عمر الزهور . <br>      

وهؤلاء الاطفال الذين كانوا يسكنون بعزبة السيد أفندى التابعة لقرية  قصر الجبالى – مركز ابشواى –  محافظة الفيوم ، هذه العزبة التى تتكرر  فيها أو فى قرى أخرى مجاورة لها تلك المأساة ففى يوم الثلاثاء الموافق 11/9 توفى 4 أطفال وأصيب 8 آخرين ونجا من الموت أكثر من خمسة وعشرين طفلاً أخر وحسب ما جاء بمحضر تحقيقات  النيابة فإن الاطفال المتوفيين هم . <br>      

- ثومة الشحات ابراهيم        12سنة         لم تدخل المدرسة . <br>      
-  ماجد محمد سليمان           12 سنة        2 اعدادى. <br>      
- هبة محمد سليمان            14 سنة         لم تدخل المدرسة <br>      
- سهير حمدى على السيد     8 سنوات         لم تدخل المدرسة<br>      

كما أصيب عدداً أخر من الأطفال وهم<br>       
- سعيد حامد                       10 سنوات <br>             
- سعد حامد                        12 سنة     <br>             
- ناصر محمد على               11 سنة     <br>               
- شمس خطاب          		10 سنوات<br>       
- ميادة السيد               	9 سنوات <br>      
- السيد ابراهيم على 		12 سنة <br>      
-  محمد ابراهيم على 		12 سنة<br>       
- أمنية ابراهيم على		13 سنة<br>       
وهم غير  ملتحقين بالمدارس <br>      
هؤلاء الأطفال الذين ركبوا الجرار من الحقل بعد انتهاء ورديتهم من جمع محصول القطن  عائدين الى القرية وكان عددهم 37طفل حيث يأتى الجرار ليأخذهم كالعادة عند آذان الفجر  من منازلهم  ليمارسوا عملهم حتى آذان الظهر ثم يغادروا الارض فى طريقهم الى بيوتهم و ذلك لأن صاحب الارض يريد جمع محصوله و هو مندى بالماء ليزيد فى الميزان . <br>      
و فى طريق العودة و حينما كان سائق الجرار جمعة (ابن صاحب الارض ) يحاول تخطى المطب ، انفتح باب الجرار  وذلك لأنه كان يضع خشبة ليلحق المقطورة بالجرار بدلاً من البنز الحديد وحسب رواية أحد الأطفال فقد ضاع البنز فأقترح عليه أحد العمال بوضع الخشب بدلاً منه ولم تتحمل الخشبة ثقل المقطورة التى تحمل 37 طفل وأكياس القطن وكان  الجرار مسرعاً وهو يمر من القنطرة فهوى بكل ما فيه فى البحر  لتسقط المقطورة بالأولاد والقطن فى المياه ويضيع الفرق بين الطفل ولوزة القطن وحديد المقطورة فى مياه الترعة ، و لولا تجمع الأهالى و مساعدتهم فى انتشال الأطفال من البحر لغرق 37 طفل . <br>      
وحينما ذهبنا إلى القرية لم نكن متأكدين من صحة المعلومات المتوفرة لدينا ، حيث  أن المعلومات التى كانت لدينا أن حادثة عادية تعرض فيها  4 اطفال وأصيب 3 اخرين فى حادثة اثناء عودتهم من عملهم فقط حتى ان الخبر  الذى وصلنا من أحد نشطائنا اكتفى بذكر اسم القرية و لم يذكر اسم العزبة التى وقع فيها الحادث  ، و حينما ذهبنا الى العزبة وجدنا أكثر من خبر عن حوادث متعددة فى أكثر من عزبة مجاورة، و لم نكن نتوقع ان عدد الأطفال الذين كانوا فى المقطورة بهذا العدد الكبير  . <br>      
و لكن و بعد فترة من السؤال ، و بعد الذهاب الى اكثر من عزبة وجدنا أخيراً عزبة السيد أفندى و كانت الشمس قد غربت تماماً و أصبح الطريق مظلم . <br>      
حينما وصلنا القرية أنتابنا  شعور غريب ، فالبيوت كلها متشابهة مصنوعة من الطوب الحجرى و متراصة بجانب بعضها و هى دور صغيرة من طابق واحد أو على الأكثر طابقين لها نفس لون الحجارة و نفس التقسيم ، و فى طريقنا سألنا عن الحادثة و عن منزل أحد الاطفال المتوفيين فكان أول منزل دخلناه هو منزل الشحات ابراهيم أبو الطفلة المتوفاه ثومة ، منزل صغير مفروش فى مقدمته بحصيرة قديمة و به حجرتان شكل المنزل يدل من أول وهلة على الحالة المعيشية المتواضعة التى يعيش فيها أصحاب المنزل و حينما سألنا الأم عما حدث 
تكلمت أم ثومة و قالت " احنا كنا قاعدين هنا …… و لقينا الصوات و الناس بتقول المقطورة إتقلبت على العيال … طلعت اجرى لقيت الرجالة بتسلت فى العيال زى ما يكونوا بيسلتوا سمك  من الميه و القطن بقا متنتور فى المياه و مش شايفين العيال  من لوزه العايم أقولكم كانوا 37 عيل مات 4 بس نحمد ربنا و منهم بنتى لما طلعولى بت ميتة  و الثانية صاحية حمدت ربنا "    
هبه 12 سنة أخت ثومة التوأم و كانت معها على نفس الجرار و خرجت سليمة قالت " كنا بنجمع و طالعين نروح الساعة 1 الظهر و سواق الجرار قفل علينا و حط الخشبة بدل البنزو مشى و جه عند المطب الخشبة وقعت والباب أنفتح  و المقطورة زحفت لورا و العيال وقعت فى البحر ، و المقطورة كان فيها 4 اكياس القطن اللى جمعناهم وقعوا معانا و الرجالة كل ما يمدوا ايديهم يطلعوا عيل  ،أنا عومت براسى لحد ما الرجالة شافونى و قبضوا ايدى "
<br>      و تقاطعها أمها " دى خدت دور على كيفكم و بتشتكى بقلبها و دماغها لحد دلوقتى و كانت طالعة مايتة خالص و بتصحى بالليل هايجة لغاية دلوقتى و تعيط لوحدها "

و تكلم حمدى على سعيد قائلاً " كان معاى عيلين ولاد اخوى وولادى بنتى اتوفت "سهير" و اولاد اخويا طلعوا سلام ، أنا كنت فى ابشواى بعمل اشاعة و لقيت الجرار و أنا راجع بالصدفة و طلعت العيال مع الرجالة و لقيت بنتى ميتة عملنا محضر فى النيابة فى مركز ابشواى ، ابن صاحب الارض هو اللى كان سايق الجرار إسمه جمعة "<br>      
  
و قالت أم الطفلين ماجد و هبه محمد سليمان " لقيت الناس بتصوت و تقول الجرار غرق بالعيال على ما طلعت أجرى قابلونى فى أول البلد و قالولى البقية فى حياتك و كانوا شايلين العييلين ، بعيد عنك حسيت ان الارض بتلف بى  ووقعت من طولى ، و فين على ما فوقت و بقيت أسأل على اولادى و أنادى عليهم ، لغاية دلوقتى بصحى بالليل أنادى عليهم و كأنهم هيدخلوا على و يسمعونى " والنبى ما أنسى دخلتهم على 00عيونهم زى فجر الصباح المندى ولكن منه لله جمعه وأبوه هما السبب، وقامت تجرى من جوارنا تبكى . <br>      

السيدة / هلالية السيد عزوز 35 سنة لديها 9 عيال كانت هى و ثلاثة من أولادها فى الجرار وقت الحادث وأصيبت و خرجت من البحر شبه مغم عليها و لكنها نجيت هى و أطفالها قالت " معاى 9 عيال أكبرهم عنده 14 سنة ، أبوهم مات و سايبهم محلتناش حاجة أنا أمهم و أبوهم بنطلع نشتغل أنا و العيال الكبار و نسيب الصغيرين فى البيت أهو بنطلع بيومية 7,5 جنيه  زى ما ربك يرزق المهم أكل العيال ،ولا عيل من ولادى راح العلام أنا مش قادرة أوكلهم هوديهم المدرسة إزاى بس دى مصاريف كثيرة قوى على ، الحمد لله إننا خرجنا سالمين أنا و عيالى دى بركة من عند ربنا ما هو عالم بحالنا لو جرى لى حاجة العيال دول هيموتوا من الجوع ده بنتى الصغيرة عندها 5 سنين و عيانة و بسبها فى البيت على حبة عينى ".البحر كان عالى 00والموت قريب من الـ37 عيل لكن معرفش يخطف غير اربعة أمال عزبة السيد افندى أقوى من الموت . <br>      
و حينما نسمع من الاطفال الحكاية تتضح لنا الرؤية اكثر و أكثر و نستطيع من خلال كلماتهم و تعبيراتهم معرفة ما حدث حيث ينعكس على وجوههم  و لنا ان نتخيل مياه الترعة الواسعة وهى مملؤه  بالاطفال و4 أكياس قطن هم حصيلة عمل اليوم كله أنفرطت  مرة واحدة عقب انقلاب المقطورة لينتشر القطن فى البحر و يعوق الناس عن انتشال الاطفال حيث غطى بكثافة مساحة كبيرة من الماء و لم يعد من بالشط يرى غير بقع بيضاء تطفو عليه ورؤوس أطفال تحاول النجاة . <br>      
فالارض التى كان الاطفال متوجهون للعمل بها هى أرض رجل يدعى " حميدة زهران " لديه لا يقل عن 60 فدان فى عزبة غرب تتبع لأبو صالح كما ذكر الفلاحين و الناس دائماً ما تذهب للعمل فى أرضه حيث يأتى أحداً ولاده و يأخذهم قبل صلاة الفجر و يتوجه بهم الى الارض ليقوموا بجمع المحصول ، ثم يعود بهم مرة اخرى الى قريتهم . <br>      
فى هذه المرة كان ابنه المتوسط جمعة زهران 26 سنة هو الذى يسوق الجرار و أثناء سيره و تهدئته بالجرار وقعت الخشبة التى كان يسند بها باب الجرار و اتفتح الباب ليقع كل من فى الجرار من أشخاص و أشياء و يجرى هارباً تاركاً الناس و الجرار " فى صراع مع الموت غرقاً فى مياه الترعة . <br>      
ويأمل المركز من السادة المسئولين وعلى رأسهم محافظ الفيوم ووزير القوى العاملة والنقل والمواصلات والداخلية التدخل واتخاذ ما يلزم من اجراءات حرصاً على أرواح هؤلاء الزهور الذين يخطفهم الموت بسبب الاهمال وفقدان المسئولية .





















</span></p>

<p align="center"><b>
<span lang="AR-SA" style="color: navy; font-family: Arial"><font size="3" color="#CC3300"><span style="mso-ansi-font-size: 14.0pt; font-family: Arial; mso-fareast-font-family: Times New Roman; mso-ansi-language: EN-US; mso-fareast-language: EN-US; mso-bidi-language: AR-SA">
<a target="_self" href="list2001.htm">العودة الي القائمة
          </a></span></font></span></b></p>

</body>

</html>�